У Беластоку ўвечары 25 лістапада прайшла штомесяцавая акцыя салідарнасці з Анджэем Пачобутам і іншымі палітвязнямі. Усяго на акцыю прыйшло каля 30 чалавек. Акцыя традыцыйна праходзіць 25-га дня кожнага месяца. Менавіта 25 сакавіка 2021 году Анджэй Пачобут быў затрыманы і кінуты ў турму. Пазней яго засудзілі да вялікага тэрміну зняволення – 8 гадоў.
Людзі трымалі ў руках партрэты Пачобута, а таксама іншых вядомых палітвязняў. Выступілі Марэк Занеўскі, Ян Роман, прадстаўніца мясцовай філіі Wspólnota Polska Анна Кетліньска.
